RH: Dukaanka Bilka ee Kolding wuxuu wajahayaa dhibaato weyn oo la xiriirta xatooyo, iyadoo maareeyaha dukaanku uu sheegay in arrintan ay si xun u kordhayso.
-
Kororka Xatooyada:
- Waxay dhacdaa todobaadkii ugu yaraan 7 jeer.
- Waxyaabaha la xado waxay ka bilowdaan raashin ilaa qalab korontada sida TV yada.
-
Tallaabooyinka uu Qaaday dukaanku si uu uga hortago xatooyada:
- Dukaanka wuxuu kordhiyay tirada shaqaalaha ilaalinta iyo kuwa lacagta qaada.
- Alaabaha qaali ah sida TV yada iyo moobilada waxaa lagu qariyey gadaal, waxaana loo baahan yahay in marka hore la bixiyo lacagtooda.
-
Farsamooyinka Cusub ee Tuugada:
- Xatooyada waxay aad ugu sii badan tahay meelaha is-scan-ka, halkaas oo dadku isku dayaan inay ka baxaan dukaanka iyagoo aan bixin lacagta alaabta ay sitaan.
-
Xatooyada Abaabulan:
- Waxaa kor u kacay kooxo abaabulan oo qaarkood kasoo jeeda Bariga Yurub, iyo sidoo kale dhalinyaro iyo dadka dagan dalka ayaa xatooyo sameeya.
-
Nidaamka Xukunka Adag:
- Dukaanku wuxuu leeyahay siyaasadda nuxurkeedu yahay in qof kasta oo xadaya lagu soo wargaliyo booliska, xitaa haddii uu xado wax fudud sida baakad subag ama bac nacnac ah .
Aragtida Radio Hormuud:
Tani waxay muujinaysaa dhibaatada sii kordheysa ee xatooyada dukaamada iyo sida ay u saameynayso ganacsiga iyo macaamiisha daacadda ah. Inkasta oo tallaabooyinkan adag ay lagama maarmaan noqon karaan, haddana waxay caqabad ku noqon karaan aragnimada macaamiisha ee dukaamaysigii fududaa ee is aaminka ku dhisnaa.
Adigu maxay kula tahay arrintan iyo sida uu Bilka ula tacaalayo?
Category